കൂടപ്പിറപ്പ് അനുപമ .കെ ജി
അറിയുവാനെന്തുണ്ട് കൂട്ടുകാരാ
നമ്മൾ പിരിയാമുളന്തണ്ടും പാട്ടുമല്ലേ?
ഉള്ളിലെ ശ്ശൂന്യത നുള്ളി നോവിക്കു - മ്പോളലയടിച്ചൊഴുകുന്നയീണമല്ലേ !
മനo കൊത്തിക്കീറി കൊക്കുകൾ കൂർത്തവർ
കൊത്തി മുറിവേൽപ്പിച്ച ചിന്തകളും
അന്തിക്കു മിന്നലായ് കത്തും കിനാക്കളുo
വാക്കിന്റെ വക്കിലെയണയാത്ത ജ്വാലയും
മാറാല മൂടിയ മുറിവിന്റെ നീറ്റലും
എല്ലാമൊരു പോലെയാകയാലല്ലേ നാം
അന്യോന്യമറിയുന്നു പകലു പോലത്രമേൽ
പിറന്നില്ല നമ്മളൊരേയുദരത്തിന്റെ -
യിരുളിൽ, നുണഞ്ഞില്ലൊരേ മുലപ്പാൽ
എങ്കിലുമുള്ളിൽ മിടിക്കും ഹൃദയത്തിൻ
രാഗം, ഭാവം, ലയമേകതാളം….
മുജ്ജൻമ ബന്ധങ്ങളായിരിക്കാം ചില
കാണാക്കണക്കിൻ കളികളാവാം ദിക്കുകൾ വരകളാൽ ചേർക്കുമീശൻ
ഒരു പോൽ വരച്ചിട്ട തലവരകൾ !
പറയുവാനിനിയെന്തു കൂട്ടുകാരാ
നമ്മിലലയടിക്കും കടൽ, ആഞ്ഞു വീശും കാറ്റ്,പൊഴിയും നിലാവുമീ
ഹിമകണവും
എല്ലാമൊരുപോലെ.. നമ്മെപ്പോലെ..
No comments:
Post a Comment